සුන්දර බතික් නිර්මාණ .

සුන්දර බතික් නිර්මාණ .

අවුරුද්දත් කිට්ටු කිට්ටු කොහා කියන හඬ අසමින්
බතික් වලින් සැරසිලා අපි නෑගම් යමු ද ඉතින් …


බතික් කර්මාන්තය ඉන්දුනීසියානුවන් විසින් ලොවට දායාද කල ,අදටත් ඉහළ පිළිගැනීමක් ඇති කර්මාන්තයක් ..අදවන විට යුනෙස්කෝ සංවිධානය විසින්ද බතික් කර්මාන්තය ලෝක උරුමයක් ලෙස නම් කර තියෙනවා . යටත්විජිතකරණයේ ප්‍රතිපලයක් ලෙස ලන්දේසි යුගයේදි,ශ්‍රී ලංකාවට මෙම බතික් කලාව දායාද වුණා
එතෙන් පටන් ලංකාව තුළ ප්‍රචලිත වූ බතික් කලාව 1970 දශකය වන විට ගෘහ කර්මාන්තයක් වශයෙන් ජනප්‍රිය වුණා .




ඉතින් මේ ලස්සන බතික් කලාවේ පදනම වෙන්නේ ඉටි සහ දීප්තිමත් වර්ණ හැඩ තල . ඉටිවලින් වැක්ස් කිරීම තුළින් වර්ණ හැඩතල මතු කිරීම සිදු වෙනවා .විවිධ නවීන ක්‍රම මගිනුත් අද කාලයේ බතික් කලාව දියුණු වෙලා තියෙනවා ..

ශ්‍රී ලංකාවේ නම්
බුද්ධි බතික්..
Fashion LK.
Salt
වැනි වෙළඳ සන්නාම වලින් මේ බතික් කර්මාන්තය ඉදිරියට ඇවිල්ල තියෙනව ..ලංකාවේ විතරක් නෙමෙයි ජාත්‍යන්තර ජයගන්නත් ඒ ලස්සන බතික් නිර්මාණ වලට හැකියාවක් ලැබිලා තියෙනවා.මංගල උත්සව වලටත් මේ බුද්ධි බතික් වගේ සන්නාම වලින් සැරසුණු බතික් සාරි ඉතාමත්ම ජනප්‍රියයි. බතික් කිව්වම අද කාලේ නම් වැඩිපුරම ප්‍රසිද්ධ සාරි වලට .



ඒ වගේම අවුරුදු කාලයේ සරම් සහ රෙද්ද හැට්ටය වැනි සිංහල සාම්ප්‍රදායික ඇදුම් වලට බතික් වල වටිනකම කියල නිම කරන්න බැහැ .

බතික් විලාසිතාවක් ලෙස යොදා ගැනීමේදී අපි සැලකිලිමත් වෙන්න ඕනෙ එහි තියෙන වර්ණය පිළිබඳව .සාමාන්‍යයෙන් බතික් ඉතාමත්ම දීප්තිමත් වර්ණ වලින් සමන්විතයි ගුරු පාට තැඹිලි පාට මෙරුන් පාට හා කොළ රතු දීප්තිමත් නිල් පාට වැනි වර්ණ බතික් නිර්මාණ වල බහුලව දක්නට ලැබෙනවා මෙයට සුදු හා කළු මිශ්‍ර හැඩතල රටා යොදා ගන්නවා .



රෙද්ද සහ හැට්ටය අදිනවා නම් සම්පූර්ණ බතික් වලින් සකසා ගත් රෙද්ද සහ හැට්ටය අපිට අඳින්නට පුළුවන් නැත්නම් අමු රෙදි හෝ කළු පැහැති කපු රෙදි මිශ්‍ර කරලා මේ විලාසිතා නිර්මාණය කරගන්න පුළුවන් නමුත් බතික් වල නියම වටිනාකමක් දෙන්නෙ තනිකරම බතික් වලින් ම සාදා ගත් නිර්මාණ වලටයි.

ඔසරිය හෝ සාරිය අඳිනවා නම් නියමිත හැඩතල හා සුන්දර මුද්‍රණයන් මතු වෙන විදියට ඒ සාරිය සකසා ගන්නට පුළුවන්



ඒ වගේම අමු රෙදි හෝ හෝ රෝ සිල්ක් වගේ රෙදිවලින් මසා ගත් උඩුකය ඇඳුමකට ගැලපෙන බතික් රෙද්ද සිංහල අලුත් අවුරුද්දට කදිමට ගැළපෙනවා .

කාන්තාවන්ට පමණක් නෙමෙයි පිරිමි අයටත් බතික් රෙදි වලින් සකසා ගත් සරම් සහ කමිස ඉතාමත්ම ජනප්‍රිය ඇඳුමක් .

මූලික ම දේ වන්නේ සාම්ප්‍රදායික පෙනුම මතුවන විදියට මේ බතික් වලින් ඇඳුම් සකසා ගැනීම නැත්නම් ඒ රෙද්දේ වටිනාකමත් නැති වෙලා යනවා.

කපුරෙදි රෙදි අමු රෙදි වගේම සිල්ක් වැනි කෘතිම රෙදි වලටත් බතික් මුද්‍රණ රටා යොදාගන්නවා. විශේෂයෙන්ම මංගල උත්සව වල දී අඳින මංගල සාරිය හා ඇඳුම් අද කාලේ සුන්දර බතික් රටාවලින් හැඩ වෙලා තියනවා .

ඉතින් නියම ශ්‍රී ලාංකික කාන්තාවක් හැටියට අපේ දේශීය ඌරුවට සැකසුණු බතික් මුද්‍රණ යන් ගෙන් සමන්විත ඇඳුම්වලින් අපිත් මෙවර අලුත් අලුත් අවුරුද්දේ සැරසෙමු …

ඉරංගා එදිරිසූරිය .

Please follow and like us:

Leave a Reply

Your email address will not be published. Required fields are marked *